პროგნოზირება სამხედრო საქმეში
NPLG Wiki Dictionaries გვერდიდან
პროგნოზირება სამხედრო საქმეში (ბერძნ. prognōsis – წინასწარ ცოდნა) – სამხედრო-პოლიტიკური ვითარების, შეიარაღებული ძალების, სამხედრო ტექნიკის და სამხედრო ხელოვნების განვითარების მოსალოდნელი პერსპექტივების ალბათობის განსაზღვრა, განჭვრეტის ერთ-ერთი ფორმა. ამასთან, პროგნოზული კვლევა მოიცავს სამხედრო-სოციალურ, სამხედრო-სტრატეგიულ, ოპერატიულ-ტაქტიკურ, სამხედრო-ეკონომიკურ და სამხედრო-ტექნიკურ სფეროებს. განასხვავებენ მოკლევადიან (5 წლამდე), საშუალოვადიან (10 წლამდე) და გრძელვადიან (10 წელიწადზე მეტი) პროგნოზებს. სამხედრო საქმეში პროგნოზირების დროს გამოიყენება კვლევის მათემატიკური, ევრისტიკული და კომბინირებული მეთოდები.