საწყისი მდგომარეობა (სამხედრო)
NPLG Wiki Dictionaries გვერდიდან
საწყისი მდგომარეობა – მდგომარეობა, რომელიც ჯარებს უკავიათ მოწინააღმდეგესთან უშუალო შეხების დროს შეტევაზე (კონტრშეტევაზე) გადასასვლელად.
საწყის მდგომარეობაში ჯარები განლაგდებიან დაჯგუფებაში, რომელიც გაშლილია მეთაურის (სარდლის) გადაწყვეტილების შესაბამისად მომავალი მოქმედებებისათვის, იმყოფებიან საფრებში და განუხრელად ასრულებენ შენიღბვის და დაცვის ღონისძიებებს. ამასთან,
- I ეშელონის ქვეითი ქვედანაყოფები განლაგდებიან ტრანშეებში, საფრებში, სანგარსავალებში (დარანებში) და სხვა საინჟინრო ნაგებობებში;
- სატანკო ქვედანაყოფები (ნაწილები) – საწყის ან ლოდინის პოზიციებზე;
- II ეშელონები (რეზერვები) – მათ მიერ დანიშნულ თავმოყრის რაიონებში.
საწყის მდგომარეობაში ფარულად ეწყობა ღონისძიებები შეტევისათვის მოსამზადებლად (მომზადების დასასრულებლად), მკაცრად იცავენ ჯარების საქმიანობის დადგენილ რეჟიმს.