ფეკახი
ფეკახი (ფაკეი) – ისრაელის მეფე ფეკახიას მოკვლის შემდეგ. ფეკახის მმართველობის პერიოდიდან ისრაელს განსაკუთრებით მძიმედ დააწვა ასურეთის მმართველობა. ფეკახი ხვდებოდა, რომ მარტო ისრაელს არ შეეძლო დამპყრობლისგან განთავისუფლება, ამიტომ ის მიემხრო არამელთა მეფის, რეცინის აჯანყებას ასურელების მბრძანებლობის წინააღმდეგ. აჯანყებულებს ეგვიპტის მიმხრობის იმედიც ჰქონდათ. ფეკახმა და რეცინმა კავშირი შესთავაზეს იუდეის მეფესაც, მაგრამ არც იოთამი და არც ახაზი არ ჩაერივნენ ამ საქმეში. განრისხებულმა ფეკახმა და რეცინმა ერთობლივი ძალებით ააოხრეს იუდეა და მრავალი იუდეველი დახოცეს. ამან იუდეველები აიძულა ასურელებისთვის ეთხოვათ დახმარება. ასურელებმა მეფე ტიგლათფალასარ III-ის მეთაურობით შეუტიეს არამელებს, დაიპყრეს მათი ქვეყანა და მოკლეს მეფე რეცინი. ასურელებმა არც ისრაელი დაინდეს. მათ დიდი ტერიტორიული ნაწილი წაართვეს ისრაელს, ხოლო მოსახლეობის დიდი ნაწილი ტყვედ წაიყვანეს. ტიგლათ-ფალასარმა ხელი შეუწყო ფეკახის წინააღმდეგ შეთქმულებას, რომელსაც ოსია მეთაურობდა. შეთქმულებმა მეფე მოკლეს და ტახტზე ოსია აიყვანეს.
