ჰიპოკაუსტის სისტემა
NPLG Wiki Dictionaries გვერდიდან
ჰიპოკაუსტის სისტემა – (ლათ. hypocaustum < hypó ქვეშ, ქვევით, დაბლა და kaustos ცხელი, გავარვარებული), ცენტრალური გათბობის სისტემა შენობის კედლებსა და იატაკის ქვეშ გაყვანილი სპეციალური არხებით, რომლებშიც მიეწოდებოდა ღუმლიდან გამოსული ცხელი ნამწვი გაზები. პირველად ეს სისტემა გამოყენებულ იქნა საზოგადოებრივ აბანოებში, რომლებიც ფართოდ იყო გავრცელებული ძველ რომსა და საბერძნეთში, შემდეგ კი – ევროპისა და აზიის ქვეყნებში.