ანცტი
NPLG Wiki Dictionaries გვერდიდან
ანცტი – მეცხრე ქვემოეგვიპტური ნომის დედაქალაქის, ბუსირისის უძველესი ღვთაება, რომელიც ძალიან ადრე შეერწყა ოსირისს (პროცესი დასრულებულია უკვე პირამიდების ტექსტებში) და მისი ერთ-ერთი სახელი გახდა. ამდენად, მისი არსების დადგენა ძალიან ძნელია, მაგრამ, როგორც ჩანს, დაკავშირებული იყო სამეფო ძალაუფლებასთან, რადგან ანცტი გამოისახებოდა ანთროპომორფულად, სამეფო ინსიგნიებით. პირამიდების ტექსტებში მოხსენიებულია, როგორც „აღმოსავლეთის ნომების ბატონი“. ბუსირისის ძველი ეგვიპტური სახელი ჯედი საკრალურ სიმბოლოსთან – ჯედ-სვეტთან არის დაკავშირებული.
