ახალდაბა (კურორტი ბორჯომის მუნიციპალიტეტში)
ახალდაბა – კლიმატო-ბალნეოლოგიური კურორტი ბორჯომის ხეობაში, ზღვის დონიდან 790მ-ზე, ქ. ბორჯომიდან ჩრდილო-აღმოსავლეთით 12 კმ მანძილზე. გააჩნია შერეული ტყე (ნაძვი, ფიჭვი, მუხა, წიფელი, არყის ხე). კლიმატური განსაკუთრებულობანი (უხვი სითბო და მზის რადიაცია, სუფთა ჰაერი, ზომიერი ნალექიანობა და სხვ.) განპირობებულია კურორტის სუბტროპიკული სარტყლის ტყის ზონაში მდებარეობით. ხელსაყრელი კლიმატი კურორტის ერთ-ერთი მთავარი სამკურნალო ფაქტორია. საუკეთესოდ მისი სამკურნალო თვისებები შეიძლება გამოყენებული იყოს ივნისიდან ოქტომბრის ბოლომდე. კლიმატთან ერთად კურორტის განსაკუთრებულობას წარმოადგენს მინერალური წყლები, წყაროები განლაგებულია მტკვრის მარჯვენა ნაპირზე, მისი შენაკადის – მდკნარე ნეძვურას ხეობაში. წყლები განეკუთვნებიან თერმულ (32,5-44,8) აზოტო-კარბონატულ ნატრიუმებს (მინერალიზაცია 0,2-0,26გ/ლ).
დამსვენებელთა და ტურისტებისთვის ეს ტერიტორია წარმოადგენს საინტერსო ობიექტს, რაც დამსახურებაა აქაური უნიკალური ბუნების და არქიტექტურულ-ისტორიული ძეგლების. ლიკანის მონასტერი XV-XVIსს, შუასაუკუნების პეტრეს და გოგის ციხეები XVI-XVIIსს, დაბის მონასტერი XVIIIს , ტიმოთესუბნის მონასტერი XIIს. ხეობას დიდი პოტენციალი გააჩნია სალაშქრო, კულტურული, ეკოლოგიური, სათავგადასავლო, საკურორტო და ტურიზმის სხვა სახეობების გასავითარებლად, მით უმეტეს თუ გავითვალისწინებთ აქ არსებულ კარგად განვითარებულ ტურისტულ ინფრასტრუქტურას.
წყარო
სამცხე-ჯავახეთის რეგიონის რელიეფი და გეოდინამიკური პროცესები
