ბირთვული შეტევა
ბირთვული შეტევა - ბირთვული იარაღის გამოყენების ხერხი ომის საწყის ეტაპზე.
ტერმინი „ბირთვული შეტევა“ გაჩნდა აშშ-ში 50-იან წლებში სამხედრო თეორეტიკოსების შეხედულებისამებრ, ბირთვული შეტევა შეიძლება შედგებოდეს რამდენიმე მასირებული ბირთვული დარტყმისაგან და გრძელდებოდეს შემდგომ პერიოდშიც.
გლობალური მასშტაბის ბირთვული შეტევაში მთავარი როლი განეკუთვნება სტრატეგიულ ძალებს: საკონტინენტთაშორისო ბალისტიკურ რაკეტებს, ბალისტიკური რაკეტებით აღჭურვილ ატომურ წყალქვეშა ნავებს და სტრატეგიულ ბომბდამშენებს;
ომის თეატრსა და საომარი მოქმედების თეატრში - საშუალო სიშორის ტაქტიკური და საგემბანო (ავიამზიდების) ავიაციის ფრთოსან და ბალისტიკურ რაკეტებს, ოპერატიულ-ტაქტიკურ და ტაქტიკურ რაკეტებს, აგრეთვე არტილერიას, რომელიც ბირთვულ საბრძოლო მასალებს იყენებს.
ბირთვულ შეტევაში გადამწყვეტად ითვლება პირველი მასირებული ბირთვული დარტყმა. პირველი შეტევის შესაძლო არეალია კოსმოსური სივრცე და კოსმოსური აპარატებიდან დედამიწაზე განხორციელებული პირველი შეტევა.
