ბლოკ-დიაგრამა
NPLG Wiki Dictionaries გვერდიდან
ბლოკ-დიაგრამა – (block-diagram), სამგანზომილებიანი გეოგამოსახულების ერთ-ერთი სახე, კარტოგრაფიული ნახატი, რომელშიც ზედაპირის პერსპექტული გამოსახულება შეთავსებულია გასწვრივ ან განივ ვერტიკალურ ჭრილებთან. შინაარსის მიხედვით არსებობს: გეოლოგიური, ნიადაგების, ატმოსფეროს, ოკეანოლოგიური, სოციალური, ეკონომიკური ბლოკდიაგრამები; აგების ხერხის მიხედვით: პროფილური (პროფილების სერია), იზოხაზური (იზოხაზებიანი ზედაპირების), მეტაქრონული (ერთ-ერთი ღერძი გამოსახავს დროს). კომპიუტერული ტექნოლოგიების გამოყენება აადვილებს ბლოკ-დიაგრამების გრაფიკული აგების რთულ პროცესს. დამუშავებულია სვეტოვანი, პროფილური, იზოხაზური ბლოკ-დიაგრამების აგების ალგორითმები.
იზოხაზური ბლოკ-დიაგრამა
სოციალური ბლოკ-დიაგრამა
