გოკიელი ივანე

ივანე გოკიელი

გოკიელი ივანე (ვანო) რაფიელის ძე - (9. X. 1899, თბილისი, – 10. VII. 1972, იქვე), ქართველი კომპოზიტორი და პედაგოგი. საქართველოს სახალხო არტისტი (1966).

1931 დაამთავრა ლენინგრადის კონსერვატორია (ვ. შჩერბაჩოვის საკომპოზიციო კლასი). 1933-36 იყო საქართველოს რადიოკომიტეტის მუსიკალური გადაცემათა მთავარი რედაქტორი, 1938-42 საქართველოს კომპოზიტორთა კავშირის გამგეობის თავმჯდომარე. 1942-44 თბილისის კონსერვატორიის დირექტორი. გოკიელი თბილისში სიმფონიური ორკესტრის ერთ-ერთი ფუძემდებელია (1924-25).

დაწერილი აქვს ოპერები: „პატარა კახი“ (1943, დაიდგა თბილისში), „წითელქუდა“ (1960 წარმატებით დაიდგა თბილისში, ვილნიუსში, ხარკოვსა და დონეცკში) და „ბროლის ქოში“. ლირიკული კომიკური მუსიკალური ზღაპარი შ. პეროს „გერიას“ სიუჟეტზე (1965), საორკესტრო სიუიტა ქორეოგრაფიული პოემიდან „ვეფხისტყაოსანი“ (1933).

წყარო

მუსიკის ენციკლოპედიური ლექსიკონი

იხილე აგრეთვე

ივანე გოკიელი