იოხელესი ალექსანდრე
ალექსანდრე იოხელესი − (27 თებერვალი (11 მამრტი) 1912, მოსკოვი, − 19.აპრილი 1978, იქვე), პიანისტი და პედაგოგი.
1932 დაამთავრა მოსკოვის კონსერვატორია (პროფ. კ. იგუმნოვი). მუსიკოს-შემსრულებელთა I საკავშირო კონკურსის (1933) ლაურეატი (II პრემია). ეწეოდა საშემსრულებლო და პედაგოგიურ მოღვაწეობას მოსკოვის კონსერვატორიაში და გნესინების სახელობის პედაგოგიურ ინტიტუტში 1946-1952 მუშაობდა თბილისის კონსერვატორიაში, სადაც აღზარდა მრავალი პიანისტი (მ. ჭავჭანიძე, ც. კარგარეთელი, ვ. თუმანიშვილი, ლ. შინჯიაშვილი, ლ. სანიკიძე, ი. ბახტაძე, ე. დვალი, ო. მელიქ-ფარსანდანოვა და სხვ.) იოხელესმა პირველმა შეასრულა ო. თაქთაქიშვილის, ო. გორდელისა და სხვათა საფორტეპიანო კონცერტები. 1943-1958 უკრავდა კამერულ ტრიოში მ. ზატულოვსკისთან (ვიოლინო) და პ. ცომიკთან (ჩელო) ერთად.
გ. ტორაძე
