კანი რიჩარდ

კანი რიჩარდ - (Kahn Richard), (1905-1989), ინგლისელი ეკონომისტი, 30-70-იან წლებში მოღვაწეობდა კემბრიჯის უნივერსიტეტში, დიდი ღვაწლი მიუძღვის ეკონომიკური მეცნიერების განვითარებაში. 1931 წელს კანმა ეკონომიკურ თეორიაში პირველმა შემოიტანა „მულტიპლიკატორის” ცნება, დაადგინა საზოგადოებრივი ოპტიმუმის პირობები კეთილდღეობის ეკონომიკურ თეორიაში. მისი ნაშრომებიდან განსაკუთრებით აღსანიშნავია „რჩეული ნარკვევები დასაქმებისა და ეკონომიკური ზრდის შესახებ” (1973). კანის იდეები ფართოდ აისახა ჯ. კეინზის, პ. სამუელსონის, ა. ჰანსენისა და სხვათა ნაშრომებში.

წყარო

თანამედროვე ეკონომიკის ენციკლოპედიური ლექსიკონი