კანტიკი
NPLG Wiki Dictionaries გვერდიდან
კანტიკი − (ლათ. მხ. რ. canticum, cano – ვმღერი), მოქმედ პირთა მონოლოგები ძველრომაულ დრამაში. სრულდებოდა მომღერლების მიერ ფლეიტების თანხლებით, რომელთაგან ერთ-ერთი მისდევდა მელოდიას, მეორე კი აკომპანირებდა. კანტიკი გამოირჩეოდა ემოციური დაძაბულობით, მეტრული ნაირგვარობით და რომაულ დრამაში შეჰქონდა სასიმღერო, ლირიკული ნაკადი. როგორც წესი, კანტიკს ასრულებდა პროფესიონალი მომღერალი, რომლის შემდგომ სცენაზე გამოდიოდა პანტომიმის შემსრულებელი მსახიობი. ზოგიერთი მსახიობი, მაგ. ეზოპუსი, თვითონ ასრულებდა კანტიკს პლავტუსის კომედიებში კანტიკს დათმობილი აქვს დიდი ადგილი და გამოირჩევა ენისა და მეტრიკის ბრწყინვალებით, მგზნებარე ტემპერამენტულობით.
