ლინგვისტური რუკა
NPLG Wiki Dictionaries გვერდიდან
ლინგვისტური რუკა – (linguistic map), გამოსახავს ენობრივი ოჯახების, ჯგუფების, დიალექტების გავრცელებას სხვადასხვა ტერიტორიაზე. რუკის შესადგენად ზოგადგეოგრაფიულ საფუძველზე დააქვთ საველე გამოკვლევების მონაცემები. ერთი და იგივე შინაარსის მოვლენების გავრცელების პუნქტებს ერთმანეთთან აკავშირებენ იზოხაზებით ანუ იზოგლოსებით. მათი განლაგებით დგინდება გარდამავალი ზონების არსებობა სხვადასხვა დიალექტის გეოგრაფიულ გავრცელებაში. დიალექტების გეოგრაფიულ გავრცელებას შეისწავლის ლინგვისტური გეოგრაფია. ლინგვისტური რუკების შედგენა დაიწყო XIX საუკუნეში გერმანიასა და საფრანგეთში.
