მესხი ივანე

დავით მესხი

მესსი ივანე – (1849-1932), პუბლიცისტი, მთარგმნელი, საზოგადო მოღვაწე. ს. მესხის ძმა.

ქუთაისის გიმნაზიის დამთავრების შემდეგ (1869) სწავლობდა პეტერბურგის ქირურგიის აკადემიაში, 1871 წ. (მცირე ხნით) — ციურიხის უნივერსიტეტის სამედიცინო ფაკულტეტზე, შემდეგ პედაგოგიკის ინსტიტუტში. აქვე მყოფ სტუდენტებთან ერთად დააარსა საზოგადოება „უღელი“. ერთხანს მსახურობდა ქუთაისის ბანკში. არჩეული იყო ქალაქის თვითმმართველობის წევრად და ქალაქის გამგეობის მდივნად. 1888 წლიდან მოღვაწეობდა ბათუმში, სადაც საფუძველი ჩაუყარა პირველ ქართულ სკოლას. 1897 წ. მისი ინიციატივით გაიხსნა ვაჟთა გიმნაზია, 1900 წ. კი — ქალთა. ზრუნავდა ქალაქის კეთილმოწყობისთვის თანამშრომლობდა „დროებასა“ და „კრებულში“. შექმნა ისტორიოგრაფიული ნაშრომი (რუსულ ენაზე) „ბათუმის საქალაქო მეურნეობის განვითარების ნარკვევები“. თარგმნა გოგოლის „შინელი“ (1871), დობროლიუბოვის, ნეკრასოვის რჩეული ნაწარმოებები.

ლიტერატურა

• დ. მესხი, მოგონებანი, 1940;
• გ. მეფისაშვილი, მესხების ოჯახი, 1961.

წყარო

• ქართული მწერლობა: ლექსიკონი-ცნობარი.