პარკეტის იატაკი
პარკეტის იატაკი − იატაკის მოწყობის ერთ-ერთი ძვირი სახეობა, როდესაც საფარვლად გამოყენებულია პარკეტი. პარკეტი წებოს ან წვრილი ლურსმნის საშუალებით მაგრდება ხის შავ იატაკზე ან ბიტუმის გამოყენებით – უშუალოდ ბეტონის საფუძველზე. ზედაპირის გასაკეთილშობებლად მას ფარავენ ბუნებრივი ან სინთეზური ლაქსაღებავებით. პარკეტის იატაკი დაახლოებით XIII საუკუნეში გამოჩნდა ევროპაში. თანამედროვე პარკეტი საგრძნობლად განსხვავდება წინაპრისგან, მაგრამ არ შეცვლილა მისი სტატუსი – ის დღემდე იატაკის ყველაზე ძვირადღირებულ საფარად რჩება. ვინაიდან პარკეტს ინტერიერში დიდი ადგილი უკავია, თანაც „ცოცხალ ხეს” განსაკუთრებული თვისებები აქვს, მასზე მნიშვნელოვაწილადაა დამოკიდებული სტილი და განწყობა, ამიტომ პარკეტის შერჩევა რემონტის ერთ-ერთი ყველაზე საპასუხისმგებლო ეტაპია, რომლის წარმატებით დასრულების შემთხვევაში სახლში ნამდვილად განსაკუთრებული ატმოსფერო დაისადგურებს.
