პოლიშინელი
NPLG Wiki Dictionaries გვერდიდან
პოლიშინელი – ფრანგული ხალხური თეატრის პერსონაჟი წარმოიშვა ბაზრობის თეატრის სცენაზე მე-16 საუკუნის ბოლოს.
ახლოს დგას იტალიურ პულჩინელას ნიღაბთან. სხვადასხვა პიესებში ინარჩუნებდა მხრებში მოხრილი, მხიარული ჩხუბისთავის და მოქილიკეს იერს. არცთუ იშვიათად (განსაკუთრებით მე-18 ს.), მისი სახე იძენდა სატირულ-პოლიტიკურ მიმართულებას. მე-17 ს. იგი იქცა ლიტერატურული კომედიის პერსონაჟადაც (ინტერმედიები მოლიერის პიესაში „ეჭვით ავადმყოფი“). პოლიშინელი ჩამოყალიბდა თოჯინური თეატრის ერთ-ერთ უსაყვარლეს გმირად.
