რუბაშვილი ვლადიმერ
ვლადიმერ რუბაშვილი — (დ. 2 დეკემბერი, 1940, სოფელი ნაოზა (მცხეთის რაიონი) — გ. 2 თებერვალი, 1964, თბილისი) — ქართველი სპორტსმენი თავისუფალი სტილის მოჭიდავე (62 კგ). XVII ოლიმპიური თამაშების (1960, რომი) ბრინჯაოს მედლის მფლობელი; მსოფლიოს ჩემპიონი (1961). სსრკის ხალხთა III სპარტაკიადის ჩემპიონი (1963), სსრკის ორგზის ჩემპიონი (1961, 62) და მესამე პრიზიორი (1960), თბილისის საერთაშორისო ტურნირის ჩემპიონი (1962). სსრკის სპორტის დამსახურებული ოსტატი. დაიღუპა ავტოკატასტროფაში.
1960 წლის ოლიმპიური თამაშები
62 კგ, 25 მონაწილე
1. მუსტაფა დაღისტანლი (თურქეთი)
2. სტანჩო კოლევი (ბულგარეთი)
3. ვლადიმერ რუბაშვილი (სსრკ)
I წრე წმინდად (5,52) დაამარცხა მოჰამედ ხადემი (ირანი); II წრე წმინდად (0,59) მოუგო მეინრად ერნსტს (შვეიცარია); III წრე წმინდად (3,12) სძლია ერკი პენტილას (ფინეთი); IV წრე ქულებით წააგო მუჰამედ ახტართან (პაკისტანი); V წრე ქულებით მოუგო ტამიჯი სატოს (იაპონია); VI წრე ქულებით დამარცხდა სტანჩო კოლევთან (ბულგარეთი)
