საღებავი
საღებავი – პიგმენტებისა და აფსკწარმომქმნელი ნივთიერებების ერთგვაროვანი სუსპენზია. მზადდება ოლიფის, ლაქის, პოლიმერის წყალხსნარების და წყალდისპერსიების, ხსნადი მინის და მისთანთა საფუძველზე. გაშრობისას საღებავის თხელი ფენები წარმოქმნიან გაუმჭვირ საფარს, რომელიც იცავს ზედაპირს აგრესიული აგენტების ზემოქმედებისგან და ანიჭებს მას მიმზიდველ გარეგნულ სახეს. სათავსის შიგა კედლებისა და ჭერისთვის ძირითადად გამოიყენება წყალდისპერსიული, ხოლო გარე ზედაპირებისათვის – ზეთოვანი საღებავი.
მშენებლობაში გამოყენებული საღებავის სახეებია:
აკრილური, ალიზარინის, ალკიდური, ანილინის, ასფალტის, ბუნებრივი, დამცავი, ემალის, ემულსიური, ზეთოვანი, თბომგრძნობიარე, თბომედეგი, კაზეინის, კერამიკული, კირის, ლაქის, ლითონური, მინერალური, მუქი, მშრალი, ორგანული, პოლიმერცემენტის, რბილი, საგრუნტო, საყალიბო, სახარში, სილიკატური, სინთეზური, სრესილი, ტყვიის, ღია, ცემენტის, ცეცხლდამცავი, ცეცხლმედეგი, წებოვანი, ჭიქურზედა, ჭიქურქვეშა, წყლისა და სხვა.
