უკოჭო გადახურვა
NPLG Wiki Dictionaries გვერდიდან
უკოჭო გადახურვა – სართულშუა ბრტყელი გადახურვა კოჭებისა და რიგელების გარეშე. მასში შედის 3 ძირითადი ელემენტი: კაპიტელი, სვეტებსშორისი ფილა და ცენტრალური ფილა. კაპიტელი ეყრდნობა სვეტის გაფართოებას, სვეტებსშორისი ფილა – კაპიტელს, ხოლო ცენტრალური ფილა – სვეტებსშორის პანელებს. გამოიყენება შენობებში ბრტყელი ჭერით (მრავალსართულიანი საწყობი, მაცივარი, ხორცკომბინატი და სხვ.), სადაც საჭიროა დიდი შიდა სივრცე და დატვირთვები თანაბრადაა განაწილებული გადახურვაზე.
