უნუტი
NPLG Wiki Dictionaries გვერდიდან
უნუტი – (ეგვ. Wnw.t), მეთხუთმეტე ზემოეგვიპტური ნომის ქალღმერთი კურდღლის სახით, რომელიც ნომის ნიშანიც იყო. მას ეთაყვანებოდნენ, როგორც „უნუტს, უნუს (ჰერმოპოლისის), ქალბატონს“. კურდღელი ბოლომდე დარჩა ამ ნომის ნიშანი, თუმცა თავად უნუტი ძალიან ადრე შეერწყა ლომისსახიან ქალღმერთებს, ლომის სახე მიიღო და კურდღლისყურებიანი ლომის სახით გამოისახებოდა. დროთა განმავლობაში, სხვა ლომის სახის ქალღმერთების მსგავსად, უნუტი ურეუსთან გაიგივდა და „ურეუსის ქალღმერთი“ გახდა.
