ფალიკური მსვლელობები
NPLG Wiki Dictionaries გვერდიდან
ფალიკური მსვლელობები – არისტოტელემ კომედიის წარმოშობა ფალიკურ მსვლელობას და სიმღერებს დაუკავშირა. ამ სიმღერებს ასრულებდნენ დიონისეს დღესასწაულების დროს გამართულ პროცესიებზე. დიონისეს მსვლელობაში მონაწილეებს მოჰქონდათ ღვინო და კალათით ლეღვი, საბმელით მოჰყავდათ თხა. მათ წინ მიუძღოდა ფალოფორი ფალოსით ხელში (მამაკაცის სასქესო ორგანო – ფალოსი იყო ბუნების მწარმოებელი ძალების სიმბოლო). ეს სიმღერები, საოხუნჯო თქმებითა და უწმაწური ნაკვესებით, მიზნად ისახავდა ხალხის გამხიარულებას.