ხენტი-იმენტიუ
NPLG Wiki Dictionaries გვერდიდან
ხენტი-იმენტიუ – აბიდოსის უძველესი გარდაცვლილთა და ნეკროპოლისების ღვთაება. ეთაყვანებოდნენ ძაღლის სახით. მისი ეგვიპტური სახელი „Hntj-imntjw“ ნიშნავს „დასავლეთში მყოფთა (ე.ი. გარდაცვლილთა) წინამძღოლს“, რაც ფაქტობრივად „გარდაცვლილთა მეფის“ ტოლია. შუა სამეფოდან აბიდოსში დაიწყო ოსირისის კულტის გავრცელება, რომელიც შეერწყა ხენტი-იმენტიუს ოსირის-ხენტი-იმენტიუს სახით და თანდათან მისი ადგილი დაიკავა.
