ხერთვისი (სოფელი)
NPLG Wiki Dictionaries გვერდიდან
ხერთვისი – სოფელი ასპინძის მუნიციპალიტეტში, მდინარეების – მტკვრისა და ფარავნის – შესართავთან, ზღვის დონიდან 1120-1270 მ სიმაღლეზე, ტოლოშის თემში, ქ. ასპინძიდან 14 კმ მანძილზე. მოსახლეობის რიცხოვნობა – 203. მოსახლეობის უდიდესი ნაწილი (99 %) ქართველები (2002). სოფელში არის ბაზალტის საბადო, მის მიდამოებში – ხერთვისის ციხე. წარსულში განვითარებული იყო ტერასული სოფლის მეურნეობა. შემორჩენილია ხერთვისის ტერასები. ძველად ფართოდ იყო გავრცელებული ვაზი ხარისთვალა თეთრი. სოფლის სიახლოვეს ხერთვისის ციხის ნანგრევებია.