ხის კარკასული კონსტრუქცია
NPLG Wiki Dictionaries გვერდიდან
ხის კარკასული კონსტრუქცია – ხის სახლის კარკასული კონსტრუქციის ტიპი, რომელიც უმეტესად გავრცელებულია აშშ-ში, გერმანიასა და სკანდინავიის ქვეყნებში. კარკასისათვის გამოიყენება დახერხილი ხის მასალა (ძელი, ძელაკი, ფიცარი) ან შედარებით მცირე დიამეტრის მორები; კედლებისა და სახურავის გათბუნებისათვის – ბაზალტის ბამბა, მინერალური ბამბა, ეკობამბა, ქაფპოლისტირენი, ქაფპოლიურეთანი და სხვ.; გამათბულებლის შიგა და გარე ზედაპირების დასაფარავად კი – ცემენტ-ბურბუშელოვანი ფილები, ორიენტირებული ხის ფილები (OSB), ფანერა, რომელსაც აპირკეთებენ ფასადური ბათქაშით ან საიდინგით და სხვ.