დაკე

'''დაკე''' – ტაძარი ძველ ეგვიპტეში, მდებარეობს ფილედან 105 კმ. სამხრეთით, [[ნილოსი]]ს დასავლეთ ნაპირზე (ძველი პსელხისი, ეგვ. Pr-ýrkt – „მორიელის სახლი“). მისი მთავარი ღვთაება იყო [[თოტი]], რომელსაც ნუბიის მთავარმა ერგამენესმა ([[პტოლემაიოს IV ფილოპატორი|პტოლემაიოს IV]]-ის მეფობის დროს) [[კაპელა (არქიტექტურა)|კაპელა]] მიუძღვნა. თოტთან ერთად ეთაყვანებოდნენ ბიგეს და ფილეს ღვთაებებსაც, განსაკუთრებით [[ისიდა]]ს და [[ოსირისი|ოსირისს]]. შემდეგი პტოლემაიოსების დროს კაპელა ტაძრად იქნა გადაკეთებული. ჯერ კიდევ XIX საუკუნის მოგზაურები აღნიშნავდნენ ტაძრის საოცრად დახვეწილ არქიტექტურულ ფორმებს, მის მსგავსებას ფილეს ცნიბილ ტაძართან და მაღალმხატვრულად შესრულებულ წარწერებს, როგორც ეგვიპტური იეროგლიფებით, ასევე [[ბერძნული ენა|ბერძნულ ენაზე]]. გასული საუკუნის 60-იან წლებში [[იუნესკო]]ს ეგიდით მოხდა დაკეს ტაძრის გადატანა, რადგან მას ნასერის ტბის ქვეშ ჩაძირვა ემუქრებოდა.