დავითაშვილი მერი

მიმდინარე ცვლილება 16:32, 12 აგვისტო 2025 მდგომარეობით

მერი დავითაშვილი

დავითაშვილი მერი შალვას ასული - (13. III. 1924, თბილისი 17. II. 2014 ), კომპოზიტორი და პედაგოგი, საქართველოს სახალხო არტისტი (1979). შოთა რუსთაველის სახელობის სახელმწიფო პრემიის ლაურეატი (1981).

1946 დაამთავრა თბილისის კონსერვატორია (პროფესორ ა. ბალანჩივაძის კლასი). 1968-1992 საქართველოს კომპოზიტორთა კავშირის მდივანი, 1973-იდან თბილისის კონსერვატორიის პედაგოგი (ინსტრუმენტობის კლასი), ნაყოფიერად მუშაობს საბავშვო მუსიკის დარგში. დაწერილი აქვს 2 საბავშვო ოპერა „ქაჯანა“ (1965) და „ნაცარქექია“ (1972), მრავალი საბავშვო სიმღერა. მუსიკა საბავშვო სრულმეტრაჟიანი და ნახატი ფილმებისათვის („მანანა“, „მტრობა“, „ხელმარჯვე ოსტატი“, „ჩხიკვთა ქორწილი“, „წუნა და წრუწუნა“, „სათაგური“ და სხვ.), ორი საორკესტრო სიუიტა ბალეტიდან „მზის ქორწილი“ ფანტაზია ფორტეპიანოსა და სიმფონიური ორკესტრისათვის (1956) და სხვ., კამერულ-საკრავიერი და საგუნდო ნაწარმოებები, რომანსები, სიმღერები, მუსიკა სპექტაკლებისათვის და სხვ. ყოველწლიერად ატარებდა საბავშვო მუსიკის კვირეულებს. (გ. ტორაძე)

[რედაქტირება] იხილეთ აგრეთვე

მერი დავითაშვილი

[რედაქტირება] წყარო

მუსიკის ენციკლოპედიური ლექსიკონი‏‎