გურჯაანი (სოფელი)
NPLG Wiki Dictionaries გვერდიდან
14:47, 17 აპრილი 2024-ის ვერსია, შეტანილი Tkenchoshvili (განხილვა | წვლილი)-ის მიერ
გურჯაანი – სოფელი საქართველოში, გურჯაანის მუნიციპალიტეტში (გურჯაანისა და ველისციხის ეპარქია), ალაზნის ვაკეზე, გომბორის ქედის ჩრდულო-აღმოსავლეთ მთისწინეთში. ქ. გურჯაანიდან 2 კმ. 3738 მცხ. (2014).
სოფელში არის გვიანი შუა საუკუნეების იოანე მახარებლის, კვირაცხოვლისა და ღვთისმშობლის ეკლესიები, XVIII ს. მიწურულის ქვაშვეთისა და მიქაელ მთავარანგელოზის ეკლესიები. აგრეთვე ერთადერთი ორგუმბათიანი ეკლესია საქართველოში – გურჯაანის ყველაწმინდა.
სოფელში მოქმედებს ნ. ანდრონიკაშვილ-ვაჩნაძის სახლ-მუზეუმი.
