ტურა (ეგვიპტურ მითოლოგიაში)
NPLG Wiki Dictionaries გვერდიდან
22:51, 12 ნოემბერი 2024-ის ვერსია, შეტანილი Tkenchoshvili (განხილვა | წვლილი)-ის მიერ
ტურა – ტურის სახე ჰქონდათ გარდაცვლილთა კულტის ღვთაებებს ხენტი-იმენტიუს, ანუბისს და ნაკლებად პოპულარულ ღვთაებას – უპიუს („გამხსნელს“), რომელსაც ჰელიოპოლისში ეთაყვანებოდნენ, როგორც „გარდაცვლილის სხეულის გამხსნელს“. გარდაცვლილთა ღვთაებების ტურა ჩვეულებრივ მუცელზე მჯდომი გამოისახებოდა. მათგან განსხვავებით, დამდგარი გამოისახებოდა ომის ღმერთების უპუატის და სედის ტურები. უნდა აღინიშნოს, რომ ბერძნები უპუატს, როგორც მგლის, ანუბისს კი როგორც ძაღლის ღვთაებას აღწერდნენ. ტურის თავებით გამოისახებოდნენ ასევე ჰიერაკონპოლისის სულები და ხორის შვილი დუამუტეფი. გარდაცვლილთა სამყაროში ტურები მზის ბარკას მიაცურებდნენ.
