ლატვია

ლატვიის დროშა

ლატვია (Latvija – ლატვიის რესპუბლიკა) – სახელმწიფო აღმოსავლეთ ევროპაში, ბალტიის ზღვის სანაპიროზე.

ფართობი – 64,5 ათ. კმ².

მოსახლეობა – 2,2 მლნ. კაცი (2012), აქედან 55% – ლატვიელები, 33% – რუსები, ასევე, ბელორუსები, პოლონელები და სხვა.

ოფიციალური ენა – ლატვიური.

დედაქალაქი – ქ. რიგა.

ადმინისტრაციულად იყოფა 8 ოლქად.

სახელმწიფოს მეთაურია პრეზიდენტი, საკანონმდებლო ორგანო – სეიმი (ერთპალატიანი პარლამენტი), აღმასრულებელი – მინისტრთა კაბინეტი.

თანამედროვე ლატვია გამოვიდა სსრ კავშირიდან და გამოაცხადა დამოუკიდებლობა 1991 წლის 6 სექტემბერს. ლატვია ინდუსტრიულ-აგრარული ქვეყანაა.

მრეწველობა

მრეწველობის წამყვანი დარგებია: მანქანათმშენებლობა, ლითონდამუშავება, ქიმიური, ნავთობგადასამუშავებელი, მსუბუქი, კვების პროდუქტების წარმოება. სოფლის მეურნეობის წამყვანი დარგებია მეცხოველეობა და რძის წარმოება.

საზღვაო პორტები

საზღვაო პორტებია: რიგა, ვენტსპილსი, ლიეპაია.

საერთაშორისო აეროპორტი

საერთაშორისო აეროპორტია რიგა.

შეიარაღებული ძალები

ლატვია ნატოს წევრი ქვეყანაა.

შეიარაღებული ძალები საერთო შემადგენლობით 5,7 ათ. კაცი (2012), სახმელეთო ჯარები 1,9 ათ., სამხედრო-საჰაერო 0,32 ათ. და სამხედრო-საზღვაო ძალები 0,58 ათ. გასამხედროებული ფორმირებაა ეროვნული გვარდია 2,9 ათ. კაცი. რეზერვი – 10,8 ათ. კაცი. დაკომპლექტება ხორციელდება დაქირავებით.

წყარო

ქართული სამხედრო ენციკლოპედიური ლექსიკონი