ლიპარტელიანი სოსო
სოსო ლიპარტელიანი — (დ. 3 თებერვალი, 1971, ხოფური, ლენტეხის რაიონი), ქართველი ძიუდოისტი (78 კგ). 1996 წლის ატლანტის XXVI ოლიმპიურითამაშები ბრინჯაოს პრიზიორი, ევროპის ჩემპიონატის (1993) ვერცხლის პრიზიორი, მსოფლიოს ჩემპიონატის ბრინჯაოს პრიზიორი სამბოში (1993). თბილისის საერთაშორისო ტურნირის გამარჯვებული (1992, 93). პირველი ოლიმპიური მედალოსანი დამოუკიდებელი საქართველოს სახელით. 2010 წელს იყო საქართველოს ძიუდოისტთა ეროვნული ნაკრების მთავარი მწვრთნელი. საქართველოს სამბოს ფედერაციის პრეზიდენტი (20122016), ღირსების ორდენის კავალერი.
1996 წლის ოლიმპიური თამაშები
78 კგ, 34 მონაწილე
1.ჯამელ ბურასი (საფრანგეთი)
2.ტოშიჰიკო კოგა (იაპონია)
3.ჩო ინჩული (სამხრეთ კორეა)
3. სოსო ლიპარტელიანი (საქართველო)
I წრე იპონით (3,03) დაამარცხა კოლინ მორგანი (კანადა); II წრე წმინდად (4,02) წააგო ჩო ინჩულთან (სამხრეთ კორე); III წრე იპონით (2,14) მოუგო ოლეგ კრეცულს (მოლდოვა); IV წრე იპონით (2,40) გაიმარჯვა
ვლადიმირ შმაკოვთან (უზბეკეთი) შეხვედრაში; V წრე წმინდად (3,53) სძლია ფლავიო კანტოს (ბრაზილია); მესამე ადგილისთვის შეხვედრა იპონით (0,18) მოიგო შტეფან დოტთან (გერმანია).
