ბორჯომი (კურირტი)

ბორჯომის პარკი

ბორჯომი – ბალნეოლოგიური სამთო-კლიმატური კურორტი. შედის ბორჯომ-ბაკურიანის კურორტთა ჯგუფში. მდებარეობს ბორჯომის ხეობაში - მდინარე მტკვრის ხეობა, მესხეთისა და თრიალეთის ქედებს შორის, ზღვის დონიდან 800-1000მ-ზე. კურორტის ტერიტორია მოიცავს - ცენტრალურ ნაწილს პარკით, ვაშლოვანი-ყვიბისის მონაკვეთს, ლიკანს და ბორჯომის პლატოს. გავრცელებულია ფართოფოთლოვანი (მუხა, წიფელი) და წიწვოვანი (ნაძვი, ფიჭვი, სოჭი) ტყე.

ბორჯომის როგორც ტურისტებისთვის ძალზედ მიმზიდველი ადგილის მომხიბვლელობა და კურორტის სამკურნალო თვისებები ძირითადად გამოწვეულია რელიეფის თავისებურებებით, ასევე ტყის მასივების სიხშირით და ჰაერის ცირკულაციის განსაკუთრებულობით, რაც ბორჯომს საუკეთესო საკურორტო თვისებებს ანიჭებს. კლიმატოთერაპია უფრო ეფექტურია ივნისიდან ოქტომბრამდე. კურორტი ხასიათდება ზომიერად თბილი ზაფხულით (საშუალო ტემპერატურა ივლის-აგვისტოში 14-დან 20 გრადუსამდეა) და რბილი ზამთრით (საშუალო ტემპერატურა იანვარში – 2-დან – 5,6 გრადუსამდეა); ნალექები 800მმ-მდეა. პლატოზე მზის ნათების საათობრივი რაოდენობა 1900-ია წელიწადში; პარკის რაიონში, რომელიც ხეობაშია განლაგებული გაცილებით ნაკლებია. უმთავრესი ბუნებრივი სამკურნალო ფაქტორი მისი ცნობილი მინერალური წყლებია, რომლის მინერალურ შედგენილობას და სამკურნალო თვისებებს დიდად განსაზღვრავს აქაური რელიეფის ლითოლოგიური აგებულება, ასევე აღსანიშნავია, მესხეთის ქედზე შექმნილი ბორჯომ-ხარაგაულის ეროვნული პარკი, რომელიც დიდ როლს ასრულებს მინერალური წყლების დებიტის რეგულირებაში. მინერალური წყლები სამკურნალო დანიშნულებით გამოიყენებიან XIX საუკუნიდან.

კურორტი დაარსებულია 1922 წელს. საქვეყნოდ ცნობილი და მრავლი სამკურნალო თვისების მატარებელი ბორჯომის წყალი ჩვენი ქვეყნის ერთ-ერთი მთავარი საექსპორტო ნაწარმია.

წყრო

სამცხე-ჯავახეთის რეგიონის რელიეფი და გეოდინამიკური პროცესები