კარტოგრაფიული მეთოდი
კარტოგრაფიული მეთოდი – (cartographic method), სინამდვილის შემეცნების მეცნიერული მეთოდი, აერთიანებს შემეცნებით (შემეცნების კარტოგრაფიულ მეთოდი) და გამოყენებით (კვლევის კარტოგრაფიული მეთოდი) მხარეებს. შემეცნებითი − ობიექტური რეალობის გარკვეული მხარეების შემეცნება და ასახვა რუკაში ორსაფეხურიანი – საველე და კამერალური კარტოგრაფირებით. გამოყენებითი – რუკების გამოყენება მათში ასახული სინამდვილის მოვლენებისა და პროცესების შემეცნებისათვის. კარტოგრაფიული მეთოდის ორივე მხარე ახალი ცოდნის მიღების აზრისეული მეთოდია კარტოგრაფიული მოდელის ანუ რუკის საშუალებით. იყენებს კარტოგრაფიულ მეთოდიკას, როგორც საშემსრულებლო-ტექნიკური მეთოდების ერთობლიობას. კარტოგრაფიული მეთოდი, რომელიც ძირითადია კარტოგრაფიაში, სხვა მეცნიერებებისათვის (გეოგრაფია, გეოლოგია, ბიოლოგია, ისტორია და სხვ.) წარმოადგენს დამხმარე მეთოდს, რადგან ამ მეთოდით ხდება სივრცითი ინფორმაციის გადმოცემა
