მაკლერი
NPLG Wiki Dictionaries გვერდიდან
მაკლერი − (გერმ. makler შუამავალი, რწმუნებული), შუამავალი, რწმუნებული გარიგების დადებისას საფონდო, საქონლისა და სავალუტო ბირჟებზე. საფონდო ბირჟაზე ფასიანი ქაღალდების მაკლერი ვაჭრობის მონაწილეა, რომელიც დებს გარიგებებს საფონდო ბირჟის წევრებს (ბროკერები, დილერები) შორის. მაკლერის შემოსავალს (კურტაჟს) შეადგენს ბირჟის იმ წევრების მიერ გადახდილი თანხა, რომელთა გარიგებებსაც იგი დებს. ბირჟაზე მაკლერი მოქმედებს, როგორც რწმუნებული და არ შეიძლება უშუალოდ მონაწილეობდეს გარიგებაში თავისი სახელითა და თავისი ხარჯით. საბირჟო მაკლერად მუშაობისათვის საჭიროა სახელმწიფო ლიცენზია.
