ბოდვა

მიმდინარე ცვლილება 11:22, 3 ოქტომბერი 2018 მდგომარეობით

ბოდვა - არის მყარი რწმენა, რომელსაც არაადეკვატური საფუძველი აქვს. მასზე არ ზემოქმედებს რაციონალური არგუმენტები და ფაქტები, რომლებიც საპირისპირო ვითარებაზე მიუთითებს. ასეთი რწმენა ატიპიურია მოცემული პიროვნებისთვის, რომელსაც გარკვეული სახის განათლება აქვს და გარკვეული კულტურისა და რელიგიის წარმომადგენელია.

ბოდვის კიდევ ერთი დამახასიათებელი თვისება არის ის, რომ იგი, მტკიცედ დაფიქსირებული ნორმალური რწმენის მსგავსად, მნიშვნელოვნად ზემოქმედებს პიროვნების გრძნობებსა და ქცევაზე. ქცევითი რეაქცია ბოდვაზე შეიძლება თავად იყოს შეუსაბამო და ზოგჯერ უცნაურიც კი. ამის გამო, ხშირად სწორედ ეს ქცევითი რეაქციაა ფსიქიატრის ყურადღების უპირველესი საგანი, რადგან ის ბოდვის გამოვლენის საშუალებას იძლევა. მაგ., მამაკაცმა, რომელსაც ჰქონდა ბოდვითი იდეა, რომ მას აკუსტიკური ტალღებით ასხივებენ, თავისი ფანჯარა ვერცხლის ფოლგით დაფარა და შემოსასვლელი კარები ჩახერგა. თუმცა, ზოგჯერ ბოდვითი იდეები მცირე ზეგავლენას ახდეს ემოციებსა და ქცევებზე. მაგ., პაციენტს შეიძლება სჯეროდეს, რომ ის სამეფო ოჯახის წევრია და ამავე დროს კმაყოფილი იყოს საერთო საცხოვრებელში ცხოვრებით. ამგვარ გაორებას ორმაგი ორიენტაცია ეწოდება და ის, ჩვეულებრივ, ქრონიკული შიზოფრენიის დროს იჩენს თავს.

[რედაქტირება] ბოდვის აღწერა

ფიქსირებულობის მიხედვით სრული პარციალური სრული ნაწილობრივი

აღმოცენების მიხედვით პირველადი მეორადი

სხვა ბოდვითი გამოცდილებები ბოდვითი გუნებ-განწყობა ბოდვითი აღქმა ბოდვითი მეხსიერება

თემატიკის მიხედვით დევნის (პარანოიდული) ბოდვა დამოკიდებულების ბოდვა განდიდების (ექსპანსიური) ბოდვა დანაშაულის ბოდვა ნიჰილისტური იპოქონდრიული რელიგიური ეჭვიანობის სექსუალური ან სიყვარულის ზემოქმედების ბოდვა ბოდვა, რომელიც აზრების მიკუთვნებულობას ეხება აზრების ჩანერგვა აზრების წართმევა აზრების გახმოვანება

სხვა მახასიათებლების მიხედვით გაზიარებული/ინდუცირებული ბოდვა

[რედაქტირება] წყარო

ოქსფორდის მოკლე სახელმძღვანელო ფსიქიატრიაში