ანტი (ღვთაება)

'''ანტი''' – შევარდნის სახის ღვთაება, რომელსაც ჰიერაკონპოლისში, ზემო ეგვიპტის მეთორმეტე [[ნომი]]ს დედაქალაქში ეთაყვანებოდნენ და რომელიც ძალიან ადრე შეერწყა [[ხორი|ხორს]]. განსაკუთრებით ხშირად მოიხსენიებოდა, როგორც [[სეტხი|სეტხზე]] გამარჯვებული და ამ სახით ეძახდნენ „შევარდენს ანტილოპას ზურგზე“ ([[ანტილოპა (ეგვიპტურ მითოლოგიაში)|ანტილოპა]] [[სეტხი]]ს ერთ-ერთი ცხოველი იყო) (Junker, 1917, 39). ჰიერაკონპოლისთან გადიოდა საქარავნო გზები და ამდენად ანტი „უდაბნოს ბატონიც“ იყო. ამ ფუნქციის წყალობით იგი შეერწყა სეტხსაც. სწორედ სეტხის სახით არის წარმოდგენილი კლდეზე [[სინაი (ნახევარკუნძული)|სინაი]]ს მაღაროებთან.