პალიასტომის პაღვიანი ქაშაყი
პალიასტომის პალღვიანი ქამშაყი – Caspialosa Caspia palaeostomi Sadowsky, 1934
ტიპი: ქორდიანები
კლასი: სხივფარფლიანი თევზები
რიგი: ქაშაყისნაირნი
ოჯახი: ქაშაყისებრნი
სახეობა: პალიასტომის პაღვიანი ქაშაყი
ლაყუჩის ჩხირები 62-93-ია, უფრო ხშირად − 72-85, საშუალოდ − 76. მალების რაოდენობა − 46-50, მუცლის ქიცვები − 31-34, სხეული მაღალია; მისი სიმაღლე თავის სიგრძეზე მეტია და საშუალოდ სხეულის სიგრძის 26,7% შეადგენს. თავის სიმაღლე კეფის არეში თავის სიგრძის 70-85%-ს შეადგენს. თვალები დიდებია, მათი დიამეტრი სხეულის სიგრძის 5,4–7,1%,-ს უდრის. თავის უკან, ჩვეულებრივ, ერთი ან რამდენიმე მუქი ხალია (7-8) აბსოლუტური სიგრძე 225-მმ-მდე აღწევს, უფრო ხშირად კი 120-150 მმ:ია
სქესობრივი განსხვავება (დიმორფიზმი) მხოლოდ სხეულის სიგრძესა და ლაყუჩის ჩხირების რაოდენობაში გამოიხატება. დედლები, ჩვეულებრივ, მამლებზე დიდებია და ლაყუჩის ჩხირების რიცხვი მეტი აქვთ. სხეულის შეფერილობის მიხედვით ზოგ მათგანს მწვანე ფერი გადაჰკრავს და გვერდებზე მუქი ლაქები აქეს, რომლებიც სიმეტრიულადაა განლაგებული, მაგრამ ზოგჯერ კი შეიძლება ასიმეტრიულადაც იყოს, ე. ი. მარჯვენა და მარცხენა მხარის ლაქები ერთმანეთს არ შეესაბამებოდეს.
ა. მაიოროვას მონაცემების მიხედვით, პალიასტომის ქაშაყი პალიასტომის ტბაში და მდ. მალთაყვაში აპრილის დასაწყისში შემოდის, რომელსაც მაისისა და ივნისის განმავლობაში დიდი რაოდენობით იჭერენ; ივლისში გვხვდებიან მხოლოდ ერთეული ეგზემპლარები, შავი ზღვის ქაშაყთან ერთად ტბაში პირველად დედლები შემოდიან, რომლებზეც მაისში საერთო ჭერის 90%-მდე მოდის. ივლისში კი მამლები ჭარბობენ (71%). ტბაში და მდ. მალთაყეაში შემოსული ინდივიდები სქესობრივად მომწიფებული არიან, III, IV და V სტადიაზე მყოფ სასქესო პროდუქტებით. ქვირითობა თვით ტბასა და მდ. მალთაყვაში ხდება. ინდივიდები დენადი სასქესო პროდუქტებით ივნისშია შემჩნეული.
ტბაში დაჭერილი პალიასტომის პაღვიანი ქაშაყი ზომით 11-დან 18 სმ·მდე აღწევს, უფრო ხშირად გვხვდება 12-15 სმ ზომისა.
პალიასტომის პაღვიანი ქაშაყი გავრცელებულია შავი ზღვის, ფოთისა და ანაკლიას რაიონში (ცალკეული ეგზემპლარები გვხვდება ოჩამჩირიდან ბათუმამდე), საიდანაც აპრილის დასაწყისში პალიასტომის ტბაში, მდ. მალთაყვასა და ჩურში შემოდის. მაისში და ივნისში ისინი პალიასტომში საკმაოდ დიდი რაოდენობით მოიპოვებიან; ივნისში ტოფობენ, ივლისში ერთეული ეგზემპლარების სახით გვხვდებიან. ზამთარში ბათუმის ნავსადგურში ერთეულების სახით მოიპოვებიან ხოლმე. პალიასტომის ქაშაყთან ერთად ერთეული ეგზემპლარის სახით შემოდის შავი ზღვის ქაშაყიც.
