იმნაძე კახა
კახა იმნაძე – (Kaha Imnadze), ქართველი დიპლომატი, 2013 წლიდან საგანგებო და სრულუფლებიანი ელჩი, გაერთიანებული ერების ორგანიზაციასთან საქართველოს მუდმივი წარმომადგენელი – აკრედიტებული ანტიგუა და ბარბუდაში, ბაჰამაში, გრენადაში, დომინიკის თანამეგობრობაში, სენტ ვინსენტსა და გრენადინებში, სენტ კიტსა და ნევისში, სენტ ლუსიაში, ჰაიტიში და ბარბადოსში.
დაიბადა 4 თებერვალი, 1969 წელი, ქ. თბილისი, საქართველო.
განათლება:
1986-1992 – ივანე ჯავახიშვილის სახელობის თბილისის სახელმწიფო უნივერსიტეტის დასავლეთ ევროპული ენებისა და ლიტერატურის ფაკულტეტი, ინგლისური ენის ფილოლოგის სპეციალობით.
სამუშაო გამოცდილება:
1989-1990 – საქართველოს საგარეო საქმეთა სამინისტროს სტაჟიორი;
1990-1994 – საქართველოს საგარეო საქმეთა სამინისტროს ატაშე, მეორე მდივანი, პირველი მდივანი, სამხრეთ-აღმოსავლეთ აზიის სამმართველოს უფროსის მოადგილე, პირველი ევროპული სამმართველოს უფროსი;
1994-1997 – ნატოსთან საქართველოს მეკავშირე თანამშრომელი, ბელგიაში, ნიდერლანდების სამეფოსა და ლუქსემბურგში საქართველოს საელჩოს მეორე მდივანი, პირველი მდივანი, უმცროსი მრჩეველი;
1997-1998 – ნატოსთან საქართველოს მისიის ხელმძღვანელის მოადგილე, ბელგიაში, ნიდერლანდების სამეფოსა და ლუქსემბურგში საქართველოს საელჩოს მრჩეველი;
1998-2000 – საქართველოს უშიშროების საბჭოს მდივნის მოადგილე თავდაცვისა და საგარეო პოლიტიკის საკითხებში;
2000-2003 – საქართველოს პრეზიდენტის თანაშემწე, პრესმდივანი, სახელმწიფო საინფორმაციო სამსახურის უფროსი;
2003-2013 – პოლიტიკური რისკების შეფასების დამოუკიდებელი ექსპერტი;
2005-2007 – ნატოს სახალხო დიპლომატიის არაფორმალური ქსელების პროექტის თანადირექტორი, დიდი ბრიტანეთის კონფლიქტების კვლევების სამეცნიერო ცენტრის მკვლევარი;
2010-2013 – რუსეთის კვლევების საქართველოს ინსტიტუტის საბჭოს წევრი.
ფლობს: ინგლისურ, ფრანგულ, რუსულ ენებს.
მინიჭებული აქვს საგანგებო და სრულუფლებიანი ელჩის დიპლომატიური რანგი.
