ესკადრა
ესკადრა - (ფრანული escadre - რაზმი),
სარჩევი |
ოპერატიულ-ტაქტიკური გაერთიანება სამხედრო-საზღვაო ძალებში
ოპერატიულ-ტაქტიკური გაერთიანება (შენაერთი) ზოგიერთი სახელმწიფოს სამხედრო-საზღვაო ძალებში (სამხედრო-საზღვაო ფლოტში), რომელიც განკუთვნილია საომარი მოქმედების საზღვაო (საოკეანო) თეატრის გარკველ რაიონებში საბრძოლო მოქმედებების წარმოებისთვის.
ესკადრის შემადგენლობაში შეიძლება შედიოდეს სხვადასხვა კლასის წყალზედა ხომალდების და წყალქვეშა ნავების რამდენიმე დივიზია ან ბრიგადა, ცალკეული დივიზიონი, აგრეთვე უზრუნველყოფის გემები.
შემადგენლობის, გადასაწყვეტი ამოცანების და მოქმედების რაიონის მიხედვით შეიძლება ეწოდებოდეს ოპერატიული ესკადრა, სხვადასხვა გვარეობის ძალების ესკადრა, ხმელთაშუა ზღვის ესკადრა და სხვა;
ტაქტიკური შენაერთი სამხედრო-საზღვაო ძალებში
ტაქტიკური შენაერთი ნატოს მთელი რიგი ქვეყნების სამხედრო-საზღვაო ძალებში, რომელიც შედგება ერთი კლასის ხომალდების რამდენიმე დივიზიონისგან;
ხომალდებისა და გემების ჯგუფი
ხომალდებისა და გემების ჯგუფი (შეანაერთი), რომელიც ერთობლივ ნაოსნობაში ან ექსპედიციაში იმყოფებიან;
ტაქტიკური შენაერთი სამხედრო-საჰაერო ძალებში
თვითმფრინავების ან ოპერატიულ-ტაქტიკური რაკეტების ტაქტიკური შენაერთი მრავალი სახელმწიფოს სამხედრო-საჰაერო ძალებში (გერმანია, საფრანგეთი და სხვა).
