სამშენებლო ტვირთი

სამშენებლო ტვირთი – შენობა-ნაგებობების ასაგებად სამშენებლო მოედანზე მიწოდებული მასალები და ელემენტები. ფიზიკური და გეომეტრიული მახასიათებლების მიხედვით ის 9 სახეობად იყოფა:
1) ფხვიერი (ქვიშა, ხრეში, ღორღი, გრუნტი, სამშენებლო ნაგავი);
2) ფხვნილისებრი (ცემენტი, თაბაშირი, კირი, ცარცი, გაჯი, პლასტიფიკატორი, საღებავი);
3) ცომისებრი (ბეტონის ნარევი, დუღაბი, კირის ცომი, საგოზავი);
4) წვრილცალობითი (აგური, ბლოკი, რიყის ქვა, იატაკის ფილა, საღებავი კასრით, ტვირთი ტომრებსა და ყუთებში, ჩასატანებელი დეტალი, შუადი, ქვესადები, ანკერი და სხვ.);
5) ცალობითი (კარ-ფანჯრის ბლოკი, რკინაბეტონის პანელი, გადახურვის ფილა);
6) ზომაგრძელი (რკინაბეტონის, ლითონისა და ხის სვეტი, წამწე, კოჭი, რიგელი, კავშირის ელემენტები, მილი, ხის მასალა);
7) მსხვილმოცულობითი (სანტექნიკური კაბინა, ბლოკ-ოთახი, ლიფტის შახტის ბლოკი, მსხვილგაბარიტიანი კონტეინერი);
8) თხევადი (ბენზინი, ნავთი, საპოხი მასალები, პლასტიფიკატორი, საღებავი);
9) მძიმეწონიანი (რკინაბეტონის კონსტრუქცია, ტექნოლოგიური მოწყობილობა, სამშენებლო მანქანა, ყალიბი, ვიბრომოედანი და სხვა).

წყარო

სამშენებლო ენციკლოპედიური ლექსიკონი