იტ-ტაუი

იტ-ტაუი – (ეგვ. itj-tawy, „ორივე მიწის დამპყრობი“), ქალაქი, რომელიც ააგო ამონემხატ I-მა (XII დინასტია) სტრატეგიული მიზნით. მან ეგვიპტის დედაქალაქი თებედან აქ გადმოიტანა. მისი ლოკალიზაცია დღემდე ვერ მოხერხდა. სავარაუდოდ, მდებარეობდა მემფისიდან 18 კმ. სამხრეთით, თანამედროვე ელ-ლიშტის სიახლოვეს. ეს ვარაუდი ეყრდნობა იმ მოსაზრებას, რომ ეგვიპტის ფარაონები სამარხებს თავიანთი დედაქალაქის მიდამოებში იგებდნენ, ლიშტის სიახლოვეს კი ამონემხატ I-ის და სენუსერტ I-ის პირამიდები მდებარეობს.

წყარო

ძველი ეგვიპტის ენციკლოპედია