თოტმეს II
თოტმეს II − ეგვიპტის XVIII დინასტიის ფარაონი (ჩვ.წ-მდე 1492-1479 წწ.). თოტმეს I-ის ორი უფროსი ვაჟიშვილი მისი დედოფლის, იახმესისაგან, გარდაიცვალა მისი მეფობის დროს, ამიტომ თოტმეს I-ის გარდაცვალების შემდეგ ტახტზე ავიდა თოტმეს I-ის ვაჟიშვილი „მეორე რიგის“ ცოლის, მუტ-ნეფრეტისაგან, ისიც თოტმესი, რომელიც ჯერ კიდევ ბავშვი იყო. მდგომარეობის გასამტკიცებლად თოტმეს II-ს ცოლად შერთეს თოტმეს I-ის და იახმესის ქალიშვილი ხატშეპსუტი. მისი გამეფებისთანავე დაიწყო აჯანყება ნუბიაში, რომელიც წარმატებით ჩაახშეს თოტმესის მამის გაწვრთნილმა გენერლებმა. თვითონ თოტმესის მონაწილეობას სამხედრო ექსპედიციებში ხელს არ უწყობდა სუსტი ჯანმრთელობა, მაგრამ მან, შესაძლოა, მაინც ჩაატარა ერთი ექსპედიცია შაშუ ბედუინების წინააღმდეგ სინაიზე და ერთი სირიაში. თოტმესი ძალიან ახალგაზდა გარდაიცვალა. მოსახსენიებელი ტაძარი აიგო მედინეტ ჰაბუში, სამარხი – მეფეთა ველზე. მისი მუმია, ნაპოვნი დეირ-ელ-ბაჰარის სამალავში, მძიმე ავადმყოფობის ნიშნებს ამჟღავნებს.
