მონტუხეტეპ I
NPLG Wiki Dictionaries გვერდიდან
მონტუხეტეპ I – (დაახლ.ჩვ.წ.-მდე 2061-2040 წწ.) პირველი გარდამავალი პერიოდის ფარაონია. სავარაუდოდ, იყო „დიდი ინტეფის, იკუს შვილის“ მემკვიდრე და ინტეფ I-ის მამა. მის შესახებ პრაქტიკულად არაფერია ცნობილი, თუმცა ის არის თებეს ნომარქების ოჯახის პირველი წარმომადგენელი, რომელიც შემდგომმა ტრადიციამ მეფედ აღიარა. იმავდროულად, უნდა აღინიშნოს, რომ ხორის სახელი, რომლითაც მას შემდეგში მოიხსენიებდნენ, „წინაპარს“ ნიშნავს, რაც მიუთითებს იმაზე, რომ მისი მეფედ აღიარება გარდაცვალების შემდეგ, მომდევნო თაობების მიერ მოხდა.
