ჩემი ვედრება

კითხულობს: პოეტი ნელიკო გოგუაძე

ალუდა ქეთელაური	ამოდის ნათდება	ბახტრიონი	გაზაფხული

გველისმჭამელი	გმირის იდეალი ფშაურ პოეზიის გამოხატულებით	დავით გურამიშვილის ხსოვნას	დამსეტყვე, ცაო, დამსეტყვე

ენა	ვერხვი	იას უთხარი ტურფასა	კაი ყმა (ხევსურულ ჰანგზე)

კოსმოპოლიტიზმი და პატრიოტიზმი	კრიტიკა ბ. იპ. ვართაგავასი	მთანი მაღალნი	მრწამს, მარად მიწამებია

ნიჭიერი მწერალი	რამ შემქმნა ადამიანად (სიმღერა)	სამეფოს სიმღერა	სტუმარ-მასპინძელი

ფესვები	შვლის ნუკრის ნაამბობი	ჩემი ვედრება	ჩემი წუთისოფელი

	ღმერთო მიიღე ვედრება, ეს ჩემი სათხოვარია: არ დამეკარგოს გულიდამ მე შენი სახსოვარია! გულს ნუ გამიტეხ ტანჯვაში, მამყოფე შეუდრკელადა; ვფხიზლობდე, მუდამ მზად ვიყო დაჩაგურლების მცველადა, ბალახი ვიყო სათიბი, არა მწადიან ცელობა; ცხვრადვე მამყოფე ისევა, ოღონდ ამშორდეს მგელობა; არ წამიხდინო, მეუფევ, ეს ჩემი წმინდა ხელობა! მაშრომე საკეთილოდა, თუნდ არ მოვიმკო ნაყოფი, შვილთ საგმოდ არ გამიხადო			საგმოდ – დასაგმობად, გასაკიცხად.
	ჩემი მუდმივი სამყოფი. გულს ნუ გამიქრობ ლამპარსა, მნათობს ტრფობისა შეშითა, ნუ მავლევ ქვეყანაზედა			მავლევ – მატარებ.
	გაცივებულის ლეშითა, თვალებში მადლდაკარგულსა, შუბლზე გაკრულის მეშითა.			მეში – ცუდი ხარისხის ცხვრის ტყავი. აქ: კანი.
	ნუ დაუკარგავ ჩემს სატრფოს მადლს, გულზე ცეცხლის მდებელსა,
	ნუ დაუძვირებ ოცნებას, შენს ხმას, სხივგამომღებელსა, –			ნუ დაუძვირებ – ნუ გაუიშვიათებ.
	სიცოცხლედ უღირს ბეჩავსა, ეძახის თავის მხლებელსა. გულს დარდი გამიდიადე იმ სანეტარო საგანზე, დაწერე ფიქრი, ღრმა, მწვავე ჩემის გონების საბანზე!.. გონებას ფიქრი სტანჯავდეს, გულს ცეცხლი სწვავდეს ძლიერი, მშიოდ-მწყუროდეს კეთილი, ვერ გავძღე, მოვკვდე მშიერი... ნუ დამასვენებ ნურასდროს, მამყოფე შეძრწუნებული, მხოლოდ მაშინ ვარ ბედნიერ, როცა ვარ შეწუხებული. როცა გულს ცეცხლი მედება, გონება მსჯელობს საღადა, მაშინ ვარ თავისუფალი, თავს მაშინა ვგრძნობ ლაღადა. მფარავდეს შენი მარჯვენა, კალთა სამოსლის შენისა, სანამ არ მოვა დრო-ჟამი			ბეჩავი – საწყალი.
	სულ ბოლოს ამოქშენისა. სული - შენ, ლეში - მიწასა, აღარა ვგლოვობ ამასა; თევზი - წყალს, ცასა - ვარკვლავი, შვილი - დედას და მამასა. [1893 წ.			ამოქშენა – აქ: ამოსუნთქვა.