წყალქვეშა დივერსიული ძალები

NPLG Wiki Dictionaries გვერდიდან

გადასვლა: ნავიგაცია, ძიება

წყალქვეშა დივერსიული ძალები – ზოგიერთი სახელმწიფოს სამხედრო-საზღვაო ძალების დივერსიულ-სადაზვერვო ქვედანაყოფები (დივერსანტ-მზვერავთა, მყვინთავ-ამფეთქებელთა რაზმები), აგრეთვე სპეციალური ოპერაციების ძალების გარკვეული ქვედანაყოფები, რომლებიც განკუთვნილია საზღვაო და სანაპირო ობიექტების წინააღმდეგ მოქმედებებისათვის (სამხედრო-საზღვაო ბაზებში, პორტებში, ბაზირების პუნქტებში, რეიდებზე, ღუზაზე დგომის ადგილებში, სანაპირო რაიონებში და სხვა).

წყალქვეშა დივერსიული ძალების ძირითადი ამოცანებია:

დიდი წყალზედა ხომალდების, წყალქვეშა ნავების, სანაპირო სარაკეტო კომპლექსების, ჰიდროტექნიკური ნაგებობების, დესანტსაწინააღმდეგო ღობურების განადგურება;
აგენტურული ჯგუფების ნაპირზე გადასხმის და უკან დაბრუნების, მოწინააღმდეგის წყალქვეშა დივერსიულ ძალებთან ბრძოლის წარმოების უზრუნველყოფა. გამოიყენებოდა I და II მსოფლიო ომებში, ყველა შემდგომი ლოკალური ომის და საომარი კონფლიქტის დროს.

წყარო

ქართული სამხედრო ენციკლოპედიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%AC%E1%83%A7%E1%83%90%E1%83%9A%E1%83%A5%E1%83%95%E1%83%94%E1%83%A8%E1%83%90_%E1%83%93%E1%83%98%E1%83%95%E1%83%94%E1%83%A0%E1%83%A1%E1%83%98%E1%83%A3%E1%83%9A%E1%83%98_%E1%83%AB%E1%83%90%E1%83%9A%E1%83%94%E1%83%91%E1%83%98&oldid=53616“-დან

კატეგორიები:

პირადი ხელსაწყოები

შესვლა

ხელსაწყოები