ჰომეროსი
NPLG Wiki Dictionaries გვერდიდან
ჰომეროსი – (ძვ. ბერძ. Ὅμηρος), ლეგენდარული ძველბერძენი ეპიკური პოეტი. გადმოცემის მიხედვით, ბრმა მოხეტიალე რაფსოდი (ზოგიერთი ვერსიის მიხედვით, აედი), რომელსაც ანტიკური ხანიდან მოყოლებული მიეწერება „ილიადას“ და „ოდისეას“ ავტორობა. მის ნაწარმოებად არის მიჩნეული, აგრეთვე, „ჰიმნი ღმერთებს“.
ანტიკური მონაცემებით მისი ცხოვრებისა და მოღვაწეობის ხანა თარიღდება VIII––VII ს. ჩვ. წ-მდე „ილიადაც" და „ოდისეაც“ შეიქმნა და ვრცელდებოდა ზეპირი გზით. მათში სრული სიცხადით ჩანს ფოლკლორიდან ლიტერატურაზე გადასვლის ეტაპი. „ოდისეას“ ზოგიერთი მოტივი გვხვდება ქართულ ხალხურ ზღაპრებში.
