ხერტი
NPLG Wiki Dictionaries გვერდიდან
ხერტი – (ეგვ. Hrtj), ვერძის სახის მქონე ღვთაება, რომელიც ხშირად მოიხსენიება ადრე ძველი სამეფოს პერიოდის ტექსტებში და შუა სამეფოს თეოფორულ სახელებში, მაგრამ შემდგომში საკმაოდ იშვიათად გვხვდება. მისი კულტის სამშობლო ლეტოპოლისი იყო. დაკავშირებული იყო ხენტი-ირტისთან. მოიხსენიებოდა, როგორც „ლეტოპოლისის ბატონი“. პირამიდების ტექსტებში გარდაცვლილთა ღვთაებაც არის და ოსირისთან ერთად არის მოხსენიებული. ხანდახან გარდაცვლილი ფარაონი ორივეს სთხოვს შველას („დამიცავი, ოსირისო! დამიცავი, ხერტი!“ PT 534).
