ინტერვალი რიცხვითი ღერძის
მ (მომხმარებელმა Echelidze გვერდი „ინტერვალი რიცხვითი ღერძის“ გადაიტანა გვერდზე „[[რიცხვითი ღერძის ...) |
მ (მომხმარებელმა Echelidze გვერდი „რიცხვითი ღერძის ინტერვალი“ გადაიტანა გვერდზე „[[ინტერვალი რიცხვი...) |
01:45, 7 ივლისი 2024-ის ვერსია
ინტერვალი რიცხვითი ღერძის – ნამდვილ x რიცხვთა სიმრავლე, რომლებიც აკმაყოფილებენ მკაცრ ორმაგ უტოლობას a<x<b, სადაც a და b – ნამდვილი რიცხვებია, რომლებსაც ინტერვალის ბოლოები ეწოდება. რიცხვითი ღერძის ინტერვალი ასე აღინიშნება: ]a;b[ ან (a;b). რიცხვს x0=1/2·(a+b) ეწოდება ინტერვალის ცენტრი. რიცხვითი ღერძის ინტერვალს ხშირად უწოდებენ ღია შუალედს. დადებით რიცხვს b-a ეწოდება რიცხვითი ღერძის ინტერვალის სიგრძე.
ზოგჯერ იხილავენ ნახევრად ღია შუალედს, ანუ ნახევარინტერვალს: [a;b[,]a;b] ანუ [a;b),(a;b]. მათემატიკაში იხილავენ აგრეთვე უსასრულო ინტერვალებსაც: (a;+∞),(-∞;+∞),(-∞; a).
რიცხვითი ღერძის ინტერვალი შეიძლება ჩაიწეროს უტოლობის სახითაც |x-x0 |<δ, სადაც x0 არის ინტერვალის ცენტრი, ხოლო 2δ – მისი სიგრძე. ასეთ ინტერვალს x0 წერტილის არეს უწოდებენ. რიცხვითი ღერძის ინტერვალი გამოიყენება უტოლობის ან უტოლობათა სისტემის ამოხსნების საილუსტრაციოდ, ფუნქციის ზღვრის ან უწყვეტობის განსაზღვრისას.
